Lənkəran şəhərində yüksək nəticəli idmançılarla məktəb şagirdləri arasında maarifləndirici görüş təşkil olunub. Bu haqda məlumatı Cenublu.az bu gün, 20 oktyabr tarixində verir.
“İdman et, Çempion ol” devizi altında olan tədbir 5 nömrəli tam orta məktəbdə baş tutub. Burada Gİİ-nin əməkdaşları, məktəbin direktoru və kollektivi, həmçinin idmançı Amin Qasımov və onun məşqçi-müəllimi Zaur Məmmədov iştirak ediblər.
İdmanın təbliğatı məqsədilə keçirilən görüşdə idmançıların əldə etdikləri uğurlardan, nəzərdə tutulmuş idman yarışlarından, Lənkəranda idmanın inkişafı üçün yaradılan şərait barəsində geniş məlumatlar verilib. Həmçinin “Üzməyi öyrənək” devizi altında keçiriləcək layihə haqqında da ətraflı söhbət aparılıb. Sonda iştirakçıları maraqlandıran suallar cavablandırılıb və təkliflər dinlənilib.
Qeyd edək ki, görüş Lənkəran-Astara Regional Gənclər və İdman İdarəsinin (Gİİ) təşkilatçılığı və Lənkəran-Astara Regional Təhsil İdarəsinin dəstəyi ilə həyata keçirilib.
