Lənkəranda “Gənc nəslin milli-mənəvi dəyərlər ruhunda tərbiyəsi” mövzusunda ikigünlük regional sessiya keçirilib. Bu haqda məlumatı Cenublu.az bu gün, 24 noyabr tarixində verir.
Təlimlərdə Astara, Lerik, Lənkəran rayonlarında yerləşən məktəblərin direktorları, direktor müavinləri, uşaq birliyi rəhbərləri, psixoloqları, tarix, ədəbiyyat və həyat bilgisi fənlərini tədris edən müəllimlər iştirak ediblər. Onlarla milli-mənəvi dəyərlərin öyrədilməsi metodları müzakirə edilib, treninqin mövzusuna uyğun praktiki məşğələlər və qrup işləri aparılıb.
Tədbir çərçivəsində, həmçinin “Azərbaycan gəncliyi və mənəvi dəyərlər” sənədli filmi təqdim edilib.
Qeyd edək ki, Dini Qurumlarla İş üzrə Dövlət Komitəsinin (DQİDK) dəstəyi ilə həyata keçirilən seminara Lənkəran-Astara Regional Təhsil İdarəsinin müdiri vəzifəsini icra edən müdir müavini Rəhim Rəhimov və DQİDK-nın Dini təhsil şöbəsinin müdiri Elnarə Kərimova cəlb olunublar.
