Lənkəran şəhər Heydər Əliyev Mərkəzində “Erkən nikaha “yox” deyək” mövzusunda tədbir keçirilib. Bu haqda məlumatı Cenublu.az bu gün, 6 may tarixində verir.
Görüşə Bakı Dövlət Universitetinin Sosial Psixologiya kafedrasının müəllimi və doktorantı, Odlar Yurdu Universitetinin baş müəllimi, "Yaşam" Psixoloji Təlim-Tədris Mərkəzinin rəhbəri, psixoloq-psixoterapevt, Nömrə 1 Psixoloji Mərkəzinin aparıcı mütəxəssisi Könül Cəfərova, Lənkəran şəhər təhsil sektorunun əməkdaşı Cəmil Axundzadə, məktəb direktorları, məktəblilər, psixoloqlar, təlim-tərbiyə üzrə direktor müavinləri və valideynlər cəlb olunublar.
Müzakirələr şəklində keçirilən tədbirdə mövzu ətrafında geniş məlumatlar verilib. Həmçinin erkən nikah yaşı və onun fəsadları barədə videoçarx nümayiş olunub.
Heydər Əliyev və dövlət uşaq siyasəti “Uşaqlar bizim gələcəyimizdir, gələcəyimizi qoruyaq” layihəsi çərçivəsində keçirilən görüş Heydər Əliyev Mərkəzinin təşkilatçılığı və Nömrə 1 Psixoloji Mərkəzinin dəstəyi ilə baş tutub.
