Lənkəran KOBİM tərəfindən KOB subyektləri üçün “Kənd təsərrüfatı məhsullarının saxlanılması və qablaşdırılmasının mütərəqqi üsulları” mövzusunda növbəti maarifləndirici təlim keçirilib. Bu haqda məlumatı Cenublu.az bu gün, 19 yanvar tarixində verir.
Təlimdə 7 nəfər sahibkar və biznesə başlamaq istəyən şəxs iştirak edib. Lənkəran KOBİM-in peşəkar eksperti tərəfindən təlimdə KOB-lərə kənd təsərrüfatı məhsullarının saxlanılması və qablaşdırılması, malların qəbul, qablaşdırma, yerləşdirmə, təhvilə hazırlanma daşınma və çatdırılma üsulları prosedurları, logistika və daşınma modelləri barədə ətraflı məlumat verilib.
Təlimin sonunda mövzular ətrafında müzakirələr aparılıb və iştirakçıların sualları cavablandırılıb.
Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.
