Lənkəran şəhər 1 nömrəli tam orta məktəbində “Kibertəhlükəsizlik” mövzusunda görüş baş tutub. Bu haqda məlumatı Cenublu.az bu gün, 10 yanvar tarixində verir.
Tədbirdə elektron informasiya təhlükəsizliyi, konfidensial və fərdi məlumatların mühafizəsi üsulları, virtual mühitdə informasiya üçün təhlükə yaradan daxili və xarici faktorlar, mühafizə tədbirləri və digər məsələlər barədə müzakirələr aparılıb.
Sonda mövzuya aid film nümayiş edilib və şagirdləri maraqlandıran suallar cavablandırılıb.
Tədbir Lənkəran-Astara Regional Gənclər və İdman İdarəsinin təşkilatçılığı, Lənkəran-Astara Regional Təhsil İdarəsinin tərəfdaşlığı ilə keçirilib.
