Lənkəran-Astara Regional Gənclər və İdman İdarəsinin əməkdaşları üçün maarifləndirici təlim keçirilib. Bu haqda məlumatı Cenublu.az bu gün, 17 oktyabr tarixində verir.
Tədbir Lənkəran şəhərində Gənclər və İdman Nazirliyinin Sənəd dövriyyəsi və vətəndaşların müraciətləri şöbəsi tərəfindən təşkil olunub. Təlimin keçirilməsində məqsəd kargüzarlıq işinin tələb olunan səviyyədə aparılmasıdır. Burada iştirakçılara zəruri məlumatlar verilib və onları maraqlandıran suallar cavablandırılıb.
Sonda idarədə aparılan kargüzarlıq işinin vəziyyətinə baxış keçirilib, yerindəcə əməli köməklik göstərilib və müvafiq tövsiyələr verilib.
