Lənkəranda ümummilli lider Heydər Əliyevin 100 illiyinə həsr olunmuş "Mən azərbaycanlıyam!" layihəsi baş tutacaq. Bu haqda bu gün, 12 aprel tarixində Cenublu.az xəbər verir.
Tədbir Lənkəran Regional Mədəniyyət İdarəsi və Lənkəran şəhər Mədəniyyət Mərkəzinin birgə təşkilatçılığı ilə baş tutacaq. 2 mərhələdən ibarət olacaq müsabiqədə iştirakçılar yarımfinal və final mərhələlərində çıxış edəcəklər. Layihənin nominasiyaları: bədii qiraət və aktyorluq qabiliyyəti (etüdlər, monoloqlar, stendap, kiçik səhnəciklər).
Son müraciət tarixi 10 may olan tədbirdə çıxış etmək istəyən 10-30 yaş aralığında olan şəxslər şəxsiyyəti təsdiq edən sənədlə müraciət etməlidirilər.
Ünvan: Lənkəran şəhər Mədəniyyət Mərkəzi, telefon: 050 718 98 17 (WhatsApp).
