Lənkəranda “İnsan alverinə qarşı mübarizə” adlı tədbir təşkil olunub. Bu haqda məlumatı Cenublu.az bu gün, 14 iyun tarixində verir.
Tədbirdə Lənkəran–Astara Regional Gənclər və İdman İdarəsinin, Sosial Xidmətlər Agentliyinin İnsan Alveri Qurbanlarına Yardım Mərkəzinin əməkdaşları və könüllü gənclər iştirak ediblər.
Görüşdə “insan alveri və məcburi əmək nədir”, “kimlər bu alverin daha çox qurbanlarına çevrilirlər”, “insan alveri ilə məşğul olanların toruna düşməmək üçün hansı addımlar atılmalıdır” barədə məlumat verilib. Həmçinin “Azərbaycan Respublikasında insan alverinə qarşı mübarizəyə dair 2020-2024-cü illər üçün Milli Fəaliyyət Planı” barədə bəhs edilib.
Yekunda mövzu ətrafında müzakirələr aparılıb və iştirakçılara çap materialları təqdim olunub.
Görüş Lənkəran–Astara Regional Gənclər və İdman İdarəsinin və Sosial Xidmətlər Agentliyinin İnsan Alveri Qurbanlarına Yardım Mərkəzinin birgə təşkilatçılığı ilə baş tutub.
