Lənkəran şəhər Heydər Əliyev Mərkəzində "Cənub bölgəsinin ziyalıları" layihəsi çərçivəsində həkim, travmatoloq-ortoped İlham Qubadovun 90 illik yubileyinə həsr olunan "Şəfalı əllər" adlı xatirə gecəsi keçirilib. Bu haqda məlumatı Cenublu.az bu gün, 1 aprel tarixində verir.
Tədbirdə Cənub bölgəsindən olan, ömrünü əhalinin sağlamlığına həsr etmiş savadlı həkim, Lənkəranın ilk travmatoloqu İlham Qubadov haqqında danışılıb. İlham Qubadovun mənalı və məsuliyyətli ömür yolu iştirakçıların diqqətinə çatdırılıb. Çıxış edənlər Lənkəranın ilk travmatoloqu İlham Qubadovun peşəsi ilə yanaşı, alicənablığından və insansevərliyindən danışıblar.
Tədbir boyunca yubilyarın həyat və fəaliyyəti ilə bağlı videoçarxlar nümayiş olunub.
Sonda travmatoloq-ortoped İlham Qubadovun övladları Nuranə Qubadova, Yeganə Hacıyeva, Gülşən Axundova və Elxan Qubadov yubilyar haqqında xatirələrini bölüşərək, bütün iştirakçılara və tədbirdə əməyi keçən hər kəsə təşəkkürlərini bildiriblər.
