Lənkəranda Heydər Əliyevin 101 illik yubileyinə həsr olunmuş konsert baş tutub. Bu haqda məlumatı Cenublu.az bu gün, 11 may tarixində verir.
“Heydər Əliyev zirvəsi” adlı konsert Q.Vəliyev adına Lənkəran şəhər Mədəniyyət Mərkəzində təşkil olunub.
Tədbiri giriş sözü ilə açan Q.Vəliyev adına Mədəniyyət Mərkəzinin direktoru Anar Kəkəyev Həydər Əliyevin ölkəmizin tarixindəki, beynəlxalq arenadakı rolundan, demokratik, hüquqi dövlət quruculuğuna və dünya siyasətinə verdiyi töhfələrdən danışıb.
Həmçinin tədbir çərçivəsində Heydər Əliyevin həyat yolundan bəhs edən videoçarx nümayiş edilib.
Daha sonra mərkəzin “Ay lolo” rəqs qrupu, “Babalar” xor kollektivi, “İrs” ansamblının solisti Mətanət Babayeva, Cəfər Səlimov və “Nənələr” xalq folklor kollektivi musiqili çıxışlar ediblər.
