Lənkəran Dövlət Universitetində “Gənclər sağlam həyat tərzini seçir” adlı tədbir təşkil edilib. Bu haqda məlumatı Cenublu.az bu gün, 1 dekabr tarixində verir.
Tədbirə Lənkəran şəhər İcra Hakimiyyətinin şöbə müdiri, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının daimi fəaliyyət göstərən İşçi Qrupunun məsul nümayəndələri, tədrisin təşkili üzrə prorektor və müəllim heyəti cəlb olunub. Onlar narkotik vasitələrdən istifadənin risk amilləri, psixoaktiv maddələrin xüsusiyyətləri və narkomanlığa qarşı mübarizə üsulları barədə geniş məlumat veriblər. Daha sonra tələbələrin sualları cavablandırılıb.
Yekunda “Narkotiklər haqqında həqiqəti bilin”, “Marixuana haqqında həqiqət” və “Psixotrop maddələr haqqında həqiqət” adlı tanıtım materialları paylanılıb.
