Lənkəran Gənclər Evində “COP29” və “Yaşıl dünya naminə həmrəylik ili”nə həsr olunmuş görüş baş tutub. Bu haqda məlumatı Cenublu.az bu gün, 30 yanvar tarixində verir.
Tədbir zamanı iştirakçılara “COP29” (Conference of Parties – Tərəflərin Konfransı), “Yaşıl dünya naminə həmrəylik ili” və “Azərbaycan və yaşıl iqtisadiyyat, bərpaolunan enerji mənbələri, yaşıl enerji, yaşıl enerji növlərinin yaradılması və yaşıl enerjinin dünya bazarlarına nəqli” barədə məlumatlar çatdırılıb.
Həmçinin ölkəmizin işğaldan azad edilmiş torpaqlarının “Yaşıl enerji” zonası elan edilməsi və 2022-2026-cı illər üzrə tədbirlər planının təsdiqlənərək bu ərazilərin 2050-ci ilədək “Netto sıfır emissiya” zonasına çevrilməsi haqqında da əlavə məlumatlar verilib.
“Gənclər həftəsi” çərçivəsində keçirilən görüş Lənkəran-Astara Regional Gənclər və İdman İdarəsi, 1 saylı Regional Ekologiya və Təbii Sərvətlər İdarəsinin təşkilatçılığı ilə həyata keçirilib.
