Lənkəranda fəaliyyət göstərən dərnəklər

Uşaqların mənəvi inkişafına, şəxsiyyət kimi formalaşmasına təhsildən savayı, təsir göstərən amillərdən biri də dərnək məşğələləridir.

Məktəblilərin asudə vaxtının səmərəli təşkili, onların zərərli vərdişlərdən uzaqlaşdırılması, fiziki aktivliyin yüksəldilməsi, sağlam həyat tərzinin təmin olunması məqsədilə valideynlər övladlarını dərsdən sonra müxtəlif dərnəklərə yazdırırlar.

Elə bu səbəbdən Cenublu.az izləyiciləri üçün Lənkəranda fəaliyyət göstərən müxtəlif dərnəklər haqda məlumat təqdim edir:

• Ofis proqramları üzrə biliklərini təkmilləşdirmək istəyənlər kompüter kursuna üz tuta bilərlər. Burada Microsoft Word, Microsoft Excel, Microsoft PowerPoint, Photoshop, Corel Draw, 1C++ proqramlarını öyrənə bilərsiniz;


• Mənəvi aləmindəki daxili duyğularını cəmiyyətlə bölüşmək bacarığına sahib olmaq istəyənlər təsviri incəsənətin ən qədim növlərindən biri olan rəssamlıqla məşğul ola bilərlər. Burada rəssamlıq peşəsi və bu peşənin incəlikləri haqda dərin biliklər əldə edə bilərsiniz;


• Olduğu məkanlarda rəqs qabiliyyəti ilə seçilmək istəyənlər və ya rəqsi öz peşəsinə çevirmək istəyənlər rəqs kursuna üz tuta bilərlər. Burada milli, xalq, xarici, “ləzginka”, bəy və gəlin, vals, və s. rəqslərin incəliklərini öyrənə bilərsiniz;


• Əl işləri ilə seçilmək istəyənlər toxuculuq və dərzilik kurslarına üz tuta bilərlər. Burada zəngin naxışlı, rəngarəng çeşidli toxumalar etmək, həmçinin toxuculuq və dərzilik sənətinin dərinliklərini öyrənmək, paltarların kağız üzərində kəsməklə detallara bölünməsi, ölçü, parçalarla iş və s. bacarıqlar öyrədilir;


• Dünya və yerli klassiklərimizin musiqilərini ifa etməyi öyrənmək istəyənlər üçün fortepiano dərnəyi fəaliyyət göstərir. Burada bəstəkarlıq, fortepiano, solfecio, musiqi ədəbiyyatı dərsləri tədris olunur;


• Gələcəyini səhnədə görmək və ulduz həyatı yaşamaq istəyənlər aktyorluq dərnəyinə qoşula bilərlər. Burada etüd, müştərək etüd, nitq mədəniyyəti, bədən dili, müşahidə janrları, müasir aktyorluq metodları, effektli aktyor olmağın incəlikləri öyrədilir.