Lənkəran Dövlət Dram Teatrında "Bu da axırı" tragikomediyası nümayiş olunacaq. Bu haqda məlumatı Cenublu.az bu gün, 18 oktyabr tarixində verir.
Abdulla Elşadlının Piter Turininin eyniadlı pyesi əsasında hazırladığı tamaşanın nümayişi 21 oktyabr saat 16:00-da baş tutacaq.
Əblüfəz Axundovun ifa etdiyi monotamaşanın qəhrəmanı uzun illərdir işlədiyi teatrdan lazımi dəyəri görməyib, psixoloji sarsıntılar keçirən aktyordur. Bir dəfə tamaşa arası fasilədə qrim otağına gələn aktyor səsgücləndiricidən öz səsini eşidir. Səs ona minə qədər sayıb intihar etməyi əmr edir.
Biletləri teatrın kassasından əldə etmək olar. Qiymət 4 manat təşkil edir.
Ətraflı məlumat üçün: (+994) 51 750 06 75; (+994) 51 601 31 40; (025) 5 49 73.
