Lənkəran KOBİM “Biznesin təşkili və idarə edilməsi” mövzusunda təlim keçirib. Bu haqda məlumatı Cenublu.az bu gün, 20 noyabr tarixində verir.
Belə ki, görüşə 18 nəfər sahibkar və biznesə yeni başlamaq istəyən şəxs qatılıb.
Onlara KOB-lərə bazar şərtləri və müştəri ehtiyaclarının müəyyən edilməsi, reklam, marketinq və maliyyə işlərinə nəzarət, biznes proseslərinin idarə edilməsi, iş prosesinin təhlili və nəticələrin qiymətləndirilməsi barədə ətraflı məlumat verilib. Daha sonra adıçəkilən mövzular ətrafında müzakirələr aparılıb və suallar cavablandırılıb.
Xatırladaq ki, Lənkəran KOBİM tərəfindən göstərilən bütün xidmətlər ödənişsizdir.
