Lənkəran şəhər Heydər Əliyev Mərkəzində məktəblilər arasında “Bilik Festivalı”nın açılış mərasimi baş tutub. Bu haqda məlumatı Cenublu.az bu gün, 4 dekabr tarixində verir.
3 gün davam edəcək festivalın açılış mərasimində kitab sərgisi və Lənkəran Peşə Təmayüllü siniflərin şagirdlərinin əl işlərindən ibarət sərgi təşkil olunub. Daha sonra inşa müsabiqəsinin qalibləri mükafatlandırılıblar və 5 və 6-cı siniflər arasında intellektual yarışma keçirilib.
Qeyd edək ki, Heydər Əliyevin 100 illik yubileyinə həsr olunmuş “Bilik Festivalı” Lənkəran-Astara Regional Mədəniyyət İdarəsinin, Lənkəran-Astara Regional Təhsil İdarəsinin və “Kapital Bank”ın Lənkəran filialının dəstəyi ilə keçirilir.
