Lənkəran şəhərində Əlilliyi olan şəxslər və sağlamlıq imkanları məhdud uşaqların əl işlərindən ibarət satış sərgisi baş tutacaq. Bu haqda məlumatı Cenublu.az bu gün, 30 noyabr tarixində verir.
Sərgi 1 dekabr tarixində saat 10:00-dan 13:00-dək Heydər Əliyev Xatirə Parkında təşkil olunacaq. Burada Lənkəran, Astara, Yardımlı, Cəlilabad, Masallı, Lerik rayonlarından olan sağlamlıq imkanları məhdud uşaq, yeniyetmə və əlilliyi olan şəxslərin (gənclər) əl işlərinin satış sərgisi keçiriləcək.
Tədbirə şəhər sakinləri dəvətlidirlər.
Qeyd edək ki, tədbir Lənkəran Şəhər İcra Hakimiyyəti, Lənkəran-Astara Regional Gənclər və İdman İdarəsi və Sosial Xidmətlər Agentliyinin Lənkəran-Astara Regional filialının birgə əməkdaşlığı ilə həyata keçiriləcək.
