Lənkəran Tarix-Diyarşünaslıq muzeyində Beynəlxalq Abidələr və Tarixi Yerlər Gününə həsr olunmuş tədbir baş tutub. Bu haqda məlumatı Cenublu.az bu gün, 18 aprel tarixində verir.
Görüşdə bu günün tarixi və əhəmiyyəti haqqında məlumat verilib. Daha sonra Salyan Regional İdarəsinin nəzarətində olan rayonlarda yerləşən tarix-mədəniyyət abidələrinin fotolarından ibarət sərgi təqdim olunub, abidələr barədə tədbir iştirakçılarına ətraflı məlumat verilib.
Tədbir Cəfər Cabbarlı adına Lənkəran şəhər 1 nömrəli uşaq musiqi məktəbi şagirdlərinin ifasında musiqili kompozisiyalarla davam edib.
Mərasim Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin Salyan Regional İdarəsinin təşkilatçılığı, Lənkəran İcra Hakimiyyətinin və Lənkəran–Astara Regional Mədəniyyət İdarəsinin dəstəyi ilə həyata keçirilib.
