Lənkəran şəhər Heydər Əliyev Mərkəzində Aprel döyüşlərinə həsr olunmuş tədbir baş tutub. Bu haqda məlumatı Cenublu.az bu gün, 5 aprel tarixində verir.
Görüşdə mərkəzin direktoru Reyhanə Sadıxova Aprel döyüşlərindəki qələbənin Azərbaycan xalqının mübarizliyinin, Milli Ordumuzun gücünün təntənəsi olduğunu bildirib.
Daha sonra çıxış edən GİKM-in Lənkəran–Astara regional nümayəndəliyinin rəhbəri Famil Məmmədov, AYB Lənkəran Bölməsinin sədri Qafar Cəfərli və Lənkəran şəhər 5 saylı tam orta məktəbinin direktor müavini Cəfər Fətullayev mövzu ilə bağlı məlumat veriblər.
Yekunda “Şəhidlər ölməz, Vətən bölünməz” adlı sənədli film nümayiş olunub.
