Lənkəran şəhər Heydər Əliyev Mərkəzində 20 Yanvar faciəsinin 34-cü ildönümü ilə bağlı “20 Yanvar həqiqətləri” adlı tədbir keçirilib. Bu haqda məlumatı Cenublu.az bu gün, 20 yanvar tarixində verir.
Əvvəlcə Mərkəzin foyesində məktəblilərin 20 Yanvar faciəsinə həsr etdikləri rəsm əsərlərindən ibarət sərgiyə baxış keçirilib. Çıxışlarda bildirilib ki, 20 Yanvar – Ümumxalq Hüzn Günü Azərbaycan xalqının başına sovet hökuməti tərəfindən gətirilmiş ən dəhşətli faciələrdən biri olmaqla bərəbər, həm də həmin Qanlı Yanvar hadisələrində şəhid olan qəhrəman oğul və qızlarımızın Azərbaycan xalqına bəxş etdiyi müstəqillik və azadlıq səhifəsidir.
Sonda Azərbaycanın qəhrəman övladlarının 34 il əvvəl, 20 Yanvar faciəsi günlərində göstərdikləri şücaət və qəhrəmanlıqdan bəhs edən sənədli film nümayiş olunub.
Qeyd edək ki, tədbir Lənkəran şəhər Heydər Əliyev Mərkəzinin və GİKM-in Lənkəran-Astara regional nümayəndəliyinin birgə təşkilatçılığı ilə baş tutub.
