Lənkəranda və Cəlilabadda “Gənclər üçün rəqəmsal bacarıqların inkişafı” layihəsi baş tutub. Bu haqda məlumatı Cenublu.az bu gün, 26 iyul tarixində Azərtac-a istinadən verir.
Layihənin ikinci fazasına Lənkəranda, üçüncü fazasına isə Cəlilabadda yekun vurulub. Burada əsas məqsəd müasir iş bazarının tələblərinə uyğun peşəkar kadrlar yetişdirməkdir.
Proyekt çərçivəsində 2 gün ərzində peşəkar mütəxəssislər və təcrübəli təlimçilər tərəfindən müxtəlif təlimlər və praktiki məşğələlər təşkil olunub.
“Gənclər üçün rəqəmsal bacarıqların inkişafı” layihəsi ümumilikdə 3 rayon üzrə keçirilib.
Tədbir “Gənclərin Sosial İnkişafına Dəstək” İctimai Birliyi tərəfindən Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilib. Layihənin Lənkəran fazasının tərəfdaşı Gənclərin İnkişaf və Karyera Mərkəzidir.
