Elm və Təhsil Nazirliyi, Peşə Təhsili üzrə Dövlət Agentliyi, “Bir Könüllü” Tələbələrin Əməkdaşlığı İctimai Birliyi və BMT-nin İnkişaf Proqramının texniki dəstəyi ilə “Peşə könüllüsü” proqramı fəaliyyətə başlayıb. Bu haqda məlumatı Cenublu.az bu gün, 15 fevral tarixində Azertac-a istinadən verir.
Proqram çərçivəsində Lənkəran Peşə Liseyində tələbələrlə ilk görüş keçirilib və auditoriyaya proqramın məqsədləri, gələcək hədəflər barədə ətraflı məlumat verilib. Eyni zamanda interaktiv şəkildə davam edən görüş ərzində tələbələrlə maraqlı komanda quruculuğu oyunları oynanılıb.
Qeyd edək ki, proqram gənclərin inkişafı, sosial aktivliyi, cəmiyyətin mənafeyi üçün daha faydalı olmaları məqsədilə icra edilir.
