Lənkəran KOB İnkişaf Mərkəzi (KOBİM) tərəfindən qadın sahibkarlara “Biznes-planın hazırlanması” mövzusunda ödənişsiz təlim keçirilib. Bu haqda məlumatı Cenublu.az bu gün, 6 sentyabr tarixində verir.
Lənkəran KOBİM-in eksperti tərəfindən həyata keçirilən təlimdə biznes-plan anlayışı və ümumi strukturu, ideyanın yaranması, biznes-planın xülasəsi, sahibkarlıq subyekti haqqında qısa məlumat, təşkilati planın hazırlanması, eyni zamanda bazarın araşdırılması, maliyyə planının hazırlanması və analizi, layihə risklərinin qiymətləndirilməsi barədə ətraflı məlumat verilib.
Təlimin sonunda mövzular ətrafında müzakirələr aparılıb və iştirakçıların sualları cavablandırılıb.
