Lənkəran KOBİM tərəfindən gənc sahibkarlar üçün tədbir təşkil edilib. Bu haqda məlumatı Cenublu.az bu gün, 28 oktyabr tarixində verir.
Belə ki, seminara 7 nəfər gənc sahibkar və biznesə yeni başlamaq istəyən şəxs qoşulub. Burada iştirakçılar real nümunələrdən istifadə edərək fikir mübadiləsi aparıblar, biznes fəaliyyətinin ilk addımlarını, biznes uğurlarını, biznes psixologiyasını müzakirə ediblər. Həmçinin gənclərə gəlir və xərclərin qeydiyyatı, hüquqi öhdəliklər barədə ətraflı məlumat verilib.
Yekunda mövzular ətrafında müzakirələr aparılıb və iştirakçıların sualları cavablandırılıb.
Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.
