Lənkəran Dövlət Dram Teatrının tamaşası “3+3=7” festivalında nümayiş
olunacaq. Bu haqda məlumatı Cenublu.az bu gün, 25 oktyabr tarixində verir.
Belə ki, teatr festivalda Anar Babalının müəllifi olduğu və quruluş verdiyi "Haqqın 44 günü" tamaşası ilə çıxış edəcək.
Qeyd edək ki, Şanlı Qələbəmizin 3-cü ildönümü münasibətilə “Bir teatr – bir festival” layihəsi çərçivəsində 1-3 noyabr tarixlərində “3+3=7” festivalı keçiriləcək. Festival Azərbaycan Teatr Xadimləri İttifaqının tamaşa zalında, Azərbaycan Dövlət Akademik Milli Dram Teatrının, Azərbaycan Dövlət Akademik Musiqili Teatrının və Gənc Tamaşaçılar Teatrının səhnəsində baş tutacaq.
Festivalın informasiya dəstəkçisi Mədəniyyət kanalı və teatro.az saytıdır.
Layihənin rəhbəri Respublikanın əməkdar artisti İntiqam Soltandır. Festivalın təşkilatçısı Bakı Uşaq və Gənclər Teatrıdır.
