Lənkəran-Astara Regional Gənclər və İdman İdarəsi yeniyetmə və gənclər arasında “İdman et, Çempion ol” adlı rəsm müsabiqəsi elan edir. Bu haqda məlumatı Cenublu.az bu gün, 17 fevral tarixində verir.
Təqdim olunacaq rəsm əsərləri üçün əsas tələblər:
- Rəsm əsərləri A4 ölçüsündən balaca olmamaq şərti ilə istənilən ölçüdə ola bilər;
- Rəsmlər kətan materialda, istənilən texnikada işlənilə bilər (qələm, quaş, akvarel, pastel, yağlı boya, akril və s.).
Müsabiqə 2 yaş qrupu üzrə keçirilir: 10-14 və 15-29 yaş.
Rəsm əsərləri 1 mart 2024-cü il tarixinədək Lənkəran-Astara Regional Gənclər və İdman İdarəsinə təqdim edilməlidir.
Mükafatlar:
- 1-ci yer – Lənkəran Olimpiya İdman Kompleksində fitnes və ya üzgüçülüyə 1 illik abunəlik;
- 2-ci yer – Lənkəran Olimpiya İdman Kompleksində fitnes və ya üzgüçülüyə 6 aylıq abunəlik;
- 3-cü yer – Lənkəran Olimpiya İdman Kompleksində fitnes və ya üzgüçülüyə 3 aylıq abunəlik.
Qeyd edək ki, müəlliflərdən əsərin arxa hissəsində ad, soyad və əlaqə nömrələrini yazmaq, rəsmlə birlikdə şəxsiyyət vəsiqəsi və ya doğum haqqında şəhadətnamənin surətini təqdim etmək xahiş olunur.
Ətraflı məlumat üçün: (077) 346-00-43.
