1988-ci ilin mayında, Bakının Kommunist küçəsində yerləşən “Gənclər ocağı” kafesində “Astaralı tələbə” gecəsi keçirilib. Bu tədbir Astaranın müxtəlif kəndlərindən Bakıya təhsil almağa gəlmiş tələbələrin bir araya gəlməsi üçün bir fürsət idi. Gecədə bölgənin müxtəlif kəndlərindən olan tələbələr iştirak etmiş və mədəniyyətlərini paylaşmışdılar.
Gecəyə S.M.Kirov adına Azərbaycan Dövlət Universitetinin şərqşünaslıq fakültəsinin professoru Mirzə Rəhimov, dosent Rəis Səmədov, Lenin adına APİ-nin hesablama riyaziyyatı və ehtimal nəzəriyyəsi kafedrasının müdiri Əlif Məmmədov, dosent Kamil Ağacanov, Ç.İldırım adına Azərbaycan Politexnik İnstitutunun müəllimi və şair Sabir Cümşüd, Azərbaycan Elmlər Akademiyasının elmi işçisi Hilal Məmmədov kimi tanınmış alimlər dəvət olunmuşdular. Tədbirin aparıcısı isə jurnalistika fakültəsinin 4-cü kurs tələbəsi Gülnar Əsədli olmuşdu.
Tədbirdə iştirakçılar talış mahnıları ifa etmiş, məzəli əhvalatlar danışmış və bayatılar oxumuşdular. Gecənin sonunda iştirakçılar xatirə fotosu çəkdirmişdilər.
Bu tədbirdən sonra, Astaralı tələbələrin təşəbbüsü ilə Lənkəran, Lerik və Masallı gəncləri də bədii tədbirlərini keçirməyə başladılar. İlin sonunda isə bölgələrarası ümumzona yığıncağı təşkil edilmişdi.
