Məşhur müğənni Jony illər öncə verdiyi müsahibədə gələcəkdə mügənni olmaq istədiyini dilə gətirib.
O, “Xəzər” TV-də yayımlanan “Ay Zaur” verilişində gələcəkdə əmisi, ötən əsrin 80-90-cı illərində “Sən şamsan əgər”, “Mədinə”, “Səadət”, “Yandırdı məni” və digər mahnılarla məşhurluq qazanan Xanhüseyn Hüseynov kimi müğənni olacağını bildirib.
Qeyd edək ki, əsl adı Cahid Əfrayıl oğlu Hüseynli olan Jony-nin əsli Lerikin Gəndov kəndindəndir. Atasının ailəsi 1983-cü ildən Biləsuvarda yaşayıb. Jony özü isə 1996-cı ildə Bakıda anadan olub. 3 yaşında ailəsi ilə birgə Moskvaya köçüb və 2018-ci ildən peşəkar səhnədə çıxış edir.
“Пустой стакан”, “Френдзона”, “Звезда”, “Комета”, “Аллея”, HammAli & Navai ilə birlikdə oxuduğu “Без тебя я не я” və digər mahnıları ona məşhurluq gətirib.
