Lerikdən olan müğənni Jony (Cahid Hüseynli) “Qolos Deti” vokal şousunun 11-ci mövsümünün münsifi olacaq.
Cənublu.az rusiyanın “Perviy kanal” televiziyasına istinadən məlumat verir ki, münsiflər heyətində rus estrada ulduzları Dima Bilan və Yulianna Karaulova da olacaq. Jony, gənclikdə “Qolos” yarışmasını izlədiyini və universitetdə dostları ilə birlikdə “Qolos” yarışmasını təşkil etdiklərini qeyd edib.
Sənətçi bu barədə: “Bu əfsanəvi şounun bir hissəsi olduğum üçün sevinc və xoşbəxtlik hiss edirəm” – deyə bildirib.
Yeni mövsümdə aparıcılar Yana Çurikova və bloger Valya Karnaval olacaq.
