Lənkəranda əmək yarmarkası keçiriləcək. Bu haqda məlumatı Cenublu.az bu gün, 20 iyun tarixində Dövlər Məşğulluq Agentliyinə istinadən verir.
Yarmarka iyunun 21-də saat 11:00-da Heydər Əliyev Mərkəzində təşkil olunacaq. Burada "Vest Produkt Marketinq" MMC tərəfindən sürücü, satış təmsilçisi və merçendayzer vəzifələri üzrə 25 vakansiya təqdim ediləcək.
Vakansiyalar, iş öhdəlikləri və şərtlər haqqında daha ətraflı məlumat yarmarkada iştirak edən şəxslərə təqdim olunacaq. Namizədlərin şəxsiyyət vəsiqələrini təqdim etmələri mütləqdir.
