Cəlilabad rayonunda iş axtarışında olan vətəndaşlar üçün tədbir həyata keçiriləcək. Bu haqda məlumatı Cenublu.az bu gün, 1 noyabr tarixində verir.
“Peşəni peşəkardan soruş!” devizi altında keçiriləcək festival 14 noyabr tarixində baş tutacaq. Tədbirin məqsədi gəncləri düzgün peşə seçimi ilə bağlı maarifləndirmək, eləcə də iştirakçılar arasında peşələr haqqında aydın təsəvvürlərin formalaşdırılmasıdır.
Festival çərçivəsində 14 peşə haqqında: robototexnika, proqram tərtibatçısı, data analitika, aşpaz, barista, aqronom, bərbər, mobil telefonların təmiri ustası, elektrik avadanlıqların təmiri, yardım masası, UIUX dizayner, qrafik dizayner, geyim üzrə dizayner, fotoqraf/videoqraf peşələri üzrə peşəkar ekspertlər tərəfindən təqdimat və “vörkşoplar” keçiriləcək.
Qeyd edək ki, Dövlət Məşğulluq Agentliyi və Azerbaijan Public Employment Agency tərəfindən təşkil olunacaq tədbir ödənişsizdir.
Xatırladaq ki, bu festival ölkəmizdə ikinci dəfə baş tutacaq.
