“Heydər Əliyev İli” çərçivəsində Dövlət Statistika Komitəsi tərəfindən yuxarı sinif şagirdləri və tələbələr arasında təşkil olunmuş statistik olimpiadanın final mərhələsi və qaliblərin mükafatlandırılması mərasimi keçirilib. Bu haqda məlumatı Cenublu.az bu gün, 4 noyabr tarixində verir.
Şagirdlər arasında keçirilmiş olimpiadanın nəticələrinə görə, Masallı rayonu Musaküçə kənd Fayəddin Xancanov adına tam orta məktəbinin 11-ci sinif şagirdi Kazımzadə Mircəlal Mirkazım oğlu 2-ci, Ağaxan Quliyev adına Lənkəran rayonu Hirkan qəsəbə tam orta məktəbinin 10-cu sinif şagirdi Baxşiyev Cavidan Cavid oğlu 3-cü yerə layiq görülüblər. Tədbirdə olimpiadanın qaliblərinə diplom və hədiyyələr təqdim olunub.
Qeyd edək ki, olimpiadada ümumilikdə 3106 nəfər şagird, 203 nəfər tələbə iştirak edib.
