Lənkəran və Masallıdan olan iki məktəblimiz Statistik Olimpiadanın final mərhələsində iştirak edəcək. Bu haqda məlumatı Cenublu.az bu gün, 30 oktyabr tarixində verir.
"Heydər Əliyev İli" ilə əlaqədar Azərbaycan Respublikası Dövlət Statistika Komitəsinin təşkilatçılığı ilə keçirilən məktəblilər arasında Statistik Olimpiadanın 2-ci mərhələsinin yekun nəticəsinə görə ümumilikdə 10 şagird final mərhələsində iştirak hüququ qazanıb.
Onlardan 2 nəfər Lənkəran-Astara Regional Təhsil İdarəsinin tabeliyində olan ümumtəhsil müəssisələrində təhsil alır. Bunlar Masallı rayonu Musaküçə kənd tam orta məktəbinin şagirdi Kazımzadə Mircəlal Mirkazım oğlu və Lənkəran rayonu Hirkan qəsəbə tam orta məktəbinin şagirdi Baxşiyev Cavidan Cavid oğludur.
