İki dəfə Sovet İttifaqı Qəhrəmanı general-mayor Həzi Aslanovun 114 illiyi qeyd edilib. Bu haqda məlumatı Cenublu.az bu gün, 23 yanvar tarixində Report.az-a istinadən verir.
Mərasimdə Müdafiə Nazirliyinin bir qrup hərbi qulluqçusu, Bakı Qarnizonundakı hərbi hissələr, ictimaiyyət nümayəndələri, generalın ailə üzvləri iştirak ediblər.
Tədbirdə çıxış edən Əməkdar incəsənət xadimi, Prezidentin fərdi təqaüdçüsü polkovnik Abdulla Qurbani Həzi Aslanovun mənalı həyatı, qəhrəmanlığı və İkinci Dünya müharibəsindəki xidmətlərindən məlumat verib.
Qeyd edək ki, mərasim Müdafiə Nazirliyinin təşkilatçılığı ilə həyata keçirilib.
