Heydər Əliyev adına park-bulvar Cəlilabad rayonunun Göytəpə şəhərinin mərkəzində, Göytəpə çayının sahilində yerləşir. Parkın tikinti işləri 2014-cü ilin may ayında başlayıb, 11 avqust 2015-ci ildə isə istirahət məkanı istifadəyə verilib [1].
Parkın ümumi sahəsi 3 hektar təşkil edir. Burada iki artezian quyusu qazılıb, həmçinin musiqili fəvvarə quraşdırılıb. Park-bulvarın ərazisində ümummilli lider Heydər Əliyevin bürüncdən hazırlanmış abidəsi ucaldılmışdır [2].
Əvvəllər parkın ərazisində bir çox qəzalı vəziyyətdə olan binalar var idi: beşmənzilli kommunal yaşayış binası, 69 saylı Cəlilabad-Biləsuvar-Masallı seçki dairəsinin inzibati binası, Göytəpə bələdiyyəsinin binası, Göytəpə şəhər xəstəxanası və s. Ərazinin genişləndirilməsi və abadlaşdırılması məqsədilə həmin tikililər sökülərək, başqa ərazidə yeni layihə əsasında tikilib [1].
Ulu öndər Heydər Əliyev Cəlilabad rayonuna 1976, 1977, 1980, 1981, 1982 və 1998-ci illərdə səfər edib. O, burada rayon zəhmətkeşləri ilə görüşüb, ərazidəki təsərrüfat işləri ilə tanış olub [3].
Ədəbiyyat:
