Xanbulançay su anbarı Lənkəran rayonunda, Lənkəran-Astara yolunda, Talış dağlarının ətəyində, Didoval çökəkliyində, Dızdaru çayı məcrasında, şəhər mərkəzindən 25 km cənub-qərb istiqamətində yerləşir. Dəryaçay 1976-cı ildə istifadəyə verilib [1].
Su anbarı çay əkinlərinin suvarma suyuna tələbatının ödənilməsi məqsədilə tikilmişdir [4]. Dəryaçay Lənkəranın əsas su ehtiyatı hesab olunur [3].
Gözəlliyinə görə, onu “Göygölün kiçik bacısı” adlandırırlar. Buraya, həmçinin “Xanbulaq” və “Xınbəlonə” də deyirlər [1].
1976-cı ildə Sovet İttifaqı Kommunist Partiyası Mərkəzi Komitəsinin baş katibi L.İ.Brejnev kompleksin istifadəyə verilməsi münasibətilə tikintidə əməyi olan bütün işçiləri təbrik edib.
Su anbarı 248 hektar sahəni əhatə edir. Xanbulançay su anbarı Lənkəran və Astara rayonlarında 14 mindən çox hektar sahənin suvarılmasına imkan verir. Onun uzunluğu 600 metr, hündürlüyü isə 62 metrdir.
Buraya Bəşəru çayı üzərindəki su qovşağından kanal vasitəsi ilə su gətirilir. Xanbulançay kompleksinə ümumi uzunluğu 137 km olan təsərrüfatlararası bölüşdürücü örtülü su kəmərləri də daxildir.
Məkan 1992-1993-cü illərdə Lənkəran Su Təsərrüfatı İstehsal İstismar Hövzə Birliyi Baş Müəssisəsi adı ilə fəaliyyət göstərib [2].
Ədəbiyyat:
