Şəhidlər parkı Masallı rayonunun Göyəçöl kəndinin mərkəzində yerləşir. Park 2019-2020-ci illərdə inşa edilib [1]. Bu parkın açılışı 18 yanvar 2020-ci ildə baş tutub.
Şəhidlər Parkının tikintisində əsas məqsəd gənc nəslin vətənpərvərlik ruhunu tərbiyə etməkdir [2].
Birinci Qarabağ müharibəsi zamanı Göyəçöl kəndi altı şəhid verib: Cəbi Quliyev, Əlizadə Eynullayev, Siyavuş Paşazadə, Elşad İsayev, Nicat Həsənov və Bahəddin Hüseynov. Onların adları abidə-kompleksin üzərində olan qara mərmər lövhədə həkk olunub.
Parkda, həmçinin Böyük Vətən müharibəsində həlak olmuş şəhidlərin xatirəsinə “Ana və əsgər” abidəsi ucaldılıb. Bundan əlavə, parkda 20 Yanvar şəhidlərinin xatirə lövhələri də qoyulub [1].
Ədəbiyyat:
