Lənkəranda "Stipendium Hungaricum" təqaüd proqramı ilə bağlı gənclərlə görüş keçiriləcək. Bu haqda məlumatı Cenublu.az bu gün, 4 oktyabr tarixində verir.
Layihənin əsas məqsədi gənclərin "Stipendium Hungaricum" təqaüd proqramı haqqında məlumatlandırılması, Macarıstanda təhsil imkanları ilə yaxından tanış olması, həmçinin təhsilli və yüksək intellektual bacarığa sahib fərdlərə çevrilməsinin stimullaşdırılması və insan kapitalının formalaşdırılmasına dəstək olmaqdır.
Layihə çərçivəsində Lənkəranda fəaliyyət göstərən ali təhsil müəssisələrinin tələbələri ilə görüşlər baş tutacaq.
Qeyd edək ki, layihə Macarıstanın Azərbaycandakı Səfirliyi, Azərbaycan Respublikası Elm və Təhsil Nazirliyi və Azərbaycan-Macarıstan Məzunlar Birliyinin birgə təşkilatçılığı ilə “Stipendium Hungaricum” təqaüd proqramının 10 illiyi münasibətilə təşkil olunur.
