Lənkəran Tibb Kollecinin müəllim və tələbələri üçün fövqəladə hadisələr üzrə təlim keçirilib. Bu haqda məlumatı Cenublu.az bu gün, 17 oktyabr tarixində verir.
Tədbirdə “Mülki Müdafiə sahəsində gənclərin maarifləndirilməsinin əhəmiyyəti”, “Odsöndürücü balonlardan istifadə qaydaları” mövzusunda təqdimatlar edilib.
Toplantıda 5 nəfər müəllim, 7 nəfər işçi və 151 nəfər tələbə iştirak ediblər. İştirakçıları maraqlandıran mövzularla bağlı suallar cavablandırılıb. Həmçinin kollecin həyətində şərti yanğın törədilib və odsöndürən balonlardan istifadə qaydası öyrədilərək od söndürülüb.
Qeyd edək ki, tədbir Səhiyyə Nazirliyi və FHN-in Cənub Regional Dövlət Yanğın Nəzarət İdarəsinin birgə təşkilatçılığı ilə həyata keçirilib.
