FHN-in Cənub Regional Mərkəzi tərəfindən Lənkəranda fövqəladə hallarla bağlı davranış qaydaları üzrə görüş keçirilib. Bu haqda məlumatı Cenublu.az bu gün, 25 noyabr tarixində verir.
Belə ki, tədbir Lənkəran Şəhər İcra Hakimiyyəti başçısının Gərmətük qəsəbə inzibati ərazi dairəsi üzrə nümayəndəliyində baş tutub. Burada fövqəladə halların təsnifatı, ölkəmiz üçün xarakterik olan fövqəladə hallar, o cümlədən yanğınların başvermə səbəbləri və bu zaman zəruri davranış qaydaları barədə ətraflı məlumat verilib, FHN-in “112” qaynar telefon xəttinin təyinatı izah olunub, ilkin yanğınsöndürmə vasitələrindən istifadə qaydaları əyani şəkildə nümayiş etdirilib.
Daha sonra adıçəkilən mövzular üzrə suallar cavablandırılıb.
