Abışabad kəndi Cəlilabad şəhərindən 10 km şimal-qərb istiqamətində yerləşir.
Kənd əvvəllər Xamrava adlanırdı. “Xamrava” sözü “hamar yolun qabağı” mənasını daşıyır. Rəvayətə görə, vaxtilə ərazidən bir xan keçərkən dəstəsi ilə birgə burada istirahət etmək üçün çayın sahilində dayanıb. Xan özü ilə birgə dəstəsini burada dincəlməyə rəva gördüyü üçün kənd sakinləri tərəfindən Xanrəva adını alıb. Sonralar kəndin adı deyilişə görə dəyişərək, Xamrava olub [2].
İndiki kəndin bünövrəsi XIX əsrdə həmin ərazidə yaşayan aslar tayfasının nümayəndəsi və maldarlıqla məşğul olan Abış adlı şəxs tərəfindən qoyulub. Bu səbəbdən kənd onun şərəfinə Abışabad adlandırılıb [3].
1915-ci ilə aid olan siyahıyaalınmaya görə, Abışabad kəndində 381 nəfər yaşayıb [1].
2016-cı ilin statistik göstəricilərinə əsasən, kənddə 1103 nəfərin yaşadığı qeydə alınıb [2].
Ədəbiyyat:
