Lənkəran, Masallı, Lerik rayonlarında regional ekologiya və təbii sərvətlər idarələrinin əməkdaşları tərəfindən maarifləndirici görüşlər keçirilib. Bu haqda məlumatı Cenublu.az bu gün, 11 mart tarixində verir.
“Yaşıl dünya naminə həmrəylik ili” çərçivəsində keçirilən tədbirlər Lənkəran şəhər 4 və 8 nömrəli tam orta məktəblərinin, Lerik rayon Sivəkəran kənd ümumi orta məktəbinin şagirdləri və Masallı Dövlət Regional Kollecinin tələbələri üçün təşkil edilib.
Görüşlər çərçivəsində ətraf mühitin mühafizəsi və ekoloji tarazlıq, narkomaniyaya qarşı mübarizə tədbirləri, ölkəmizin iqlim dəyişmələrinin fəsadlarına qarşı apardığı mübarizə tədbirləri və s. mövzular barədə məlumatlar verilib.
