Havalar soyuduqca geyimlərimizi qalınlaşdırmaqla yanaşı, içdən də qızınmağa çalışırıq. Bunun üçün yüngül yay salatlarını xəmir xörəkləri ilə əvəzləyirik.
Zəngin mətbəximizin dadlı və əvəzolunmaz xəmir yeməklərindən biri də yarpaq xəngəlidir. Bölgələr üzrə yarpaq xəngəli müxtəlif cür hazırlanıb yeyilsə də, klassik növü ətlə, yağda qovrulmuş soğanla, sarımsaqlı qatıqla yeyilir.
Cenublu.az komandası olaraq, izləyicilərimizin istəklərini nəzərə alıb Lənkəranda dadlı xəngəl təklif edən restoranlar haqda məlumat toplayıb sizə təqdim edirik.
Sütəmurdov kəndində yerləşən “Dörd fəsil” restoranında müştərilərə xəngəl seti təqdim olunur. Setə 2 nəfərlik yarpaq xəngəli, 10 ədəd gürcü xəngəli, tərəvəz turşusu, acika, qatıq, nar, düşes daxildir. Setin qiyməti 26 manat təşkil edir. Öncədən rezervasiya etmək arzuolunandır. Ətraflı məlumat üçün: (050) 872-53-53.
“Ləvəngi” dairəsində yerləşən “Xan Lənkəran” restoranında yarpaq xəngəlinin 1 porsiyası 6,5 manat təşkil edir. Ətraflı məlumat və rezervasiya üçün: (050) 390-54-46, (050) 632-34-30.
Kiçik bazar ərazisində yerləşən “Old Lankaran” restoranında müştərilərə 2 və 4 nəfərlik xəngəl setləri təklif olunur. 2 nəfərlik setə 2 porsiya yarpaq xəngəli, 8 sadə, 4 qızardılmış gürcü xəngəli, acika, turşu, qatıq, düşes daxildir və qiyməti 25 manat təşkil edir. 4 nəfərlik setə isə 4 porsiya yarpaq xəngəli, 16 sadə, 4 qızardılmış gürcü xəngəli, qatıq, turşu, acika və düşes daxildir və qiyməti 35 manat təşkil edir. Yarpaq xəngəlinin 1 porsiyası isə 6 manatdır. Əlavə məlumat və rezervasiya üçün: (055) 228-49-59.
Vağzal ərazisində yerləşən “Zeytun lounge” müştərilərə xəmir yeməklərdən yarpaq xəngəli, düşbərə, əriştə və 7 növ qutab təklif edir. Yarpaq xəngəlinin 1 porsiyası 5 manatdır. Ətraflı məlumat ve rezervasiya üçün: (050) 253-19–89.
Lənkəran Dəmiryol Vağzalında yerləşən “Taksim corner” restoranında yarpaq xəngəli ilə yanaşı, gürcü xəngəli və düşbərə də təklif olunur. Yarpaq xəngəlinin 1 porsiyası 6,5, gürcü xəngəlinin 1 ədədi 1,3, düşbərə isə 4 manat təşkil edir.
