Əmirtürbə nekropolu Masallı rayonunun eyniadlı kəndində yerləşir. Nekropol 1989-cu ilin yay aylarında Azərbaycan Milli Elmlər Akademiyasının Tarix İnstitutunun “Talış-Muğan arxeoloji ekspedisiyası”nın tərkibində arxeoloq Abuzər Ələkbərovun rəhbərlik etdiyi “Masallı” dəstəsi tərəfindən aşkar olunub. Abuzər Ələkbərovun fikrincə, bu tapıntı təxminən e.ə. III-I əsrlərə aiddir.
Buradakı qəbirlərdən biri çoxlu sayda bəzək əşyaları ilə birgə aşkar edilib. Ehtimal edilir ki, burada dəfn edilən şəxs cavan qızdır. Həmçinin qəbrin ayaq tərəfindən 2 saxsı qab tapılıb. Onlardan biri bütöv olub, ikincisi isə mərasim icra olunarkən sındırılıb [1]. Tarixçi Novruz Novruzov “Masallı” kitabında bu tapıntı haqqında yazır: “Ən maraqlısı dəfn mərasiminin özüdür. Bələ dəfn mərasiminə Azərbaycan ərazisində birinci dəfədir ki, təsadüf olunur…”. Kvadrat şəklində qazılmış, uzunluğu 4 metr, eni isə 1,8 metr olan qəbrin döşəməsinə əvvəlcə ağ rəngli maddə çəkilib. Sonra isə onun üzərində od yandırılıb. Bu bitdikdən sonra isə cəsəd hələ tam sönməmiş odun üzərinə qoyulub [2].
Əmirtürbə nekropolu ölkə əhəmiyyətli tarixi abidə hesab edilir [1].
Ədəbiyyat:
