Azər Süleyman oğlu Məhərrəmov 6 yanvar (5 fevral) 1965-ci ildə Lənkəran şəhərində anadan olub [1,2].
O, indiki Sumqayıt Dövlət Universitetinin nəzdində olan Sumqayıt Dövlət Texniki Kollecində təhsil alıb.
Məhərrəmov 15 aprel 1985-ci ildə hərbi xidmətə çağırılıb. Həmin ilin oktyabr ayından o, sovet qoşunları tərkibində Əfqanıstana göndərilib.
SSRİ-Əfqanıstan müharibəsi (1979–1989) zamanı Məhərrəmov 14 döyüş əməliyyatında iştirak edib [2]. Döyüşlərin birində, 18 yanvar (20 iyul) 1987-ci ildə Azər Məhərrəmov Əfqanıstanın Qəndəhar vilayətində şəhidlik zirvəsinə ucalıb [1,2]. Bir müddət keçdikdə onun cənazəsi Azərbaycana gətirilərək, Lənkəran şəhərində dəfn edilib [1].
Azər Məhərrəmov “Qırmızı Ulduz” ordeninə layiq görülüb [2].
Hazırda Lənkəran şəhər 7 nömrəli tam orta məktəbi şəhid Azər Məhərrəmovun adını daşıyır. Həmin məktəbdə qəhrəmanın büstü qoyulub [1,3].
Ədəbiyyat:
