Heydər Əliyevin anadan olmasının 101-ci ildönümü münasibətilə dövlət qurumları arasında "Heydər Əliyev İrsi" adlı intellektual yarışma təşkil olunub. Bu haqda məlumatı Cenublu.az bu gün, 3 may tarixində verir.
Yarışda Lənkəran–Astara Regional Təhsil İdarəsinin, Sosial Xidmətlər Agentliyinin Lənkəran–Astara Regional Filialının, Məşğulluq Agentliyinin Lənkəran–Astara Filialının, Lənkəran ASAN Xidmət Mərkəzinin, Lənkəran–Astara Regional Gənclər və İdman İdarəsinin və Lənkəran–Astara Regional Mədəniyyət İdarəsinin komandaları biliklərini sınayıblar. Onlar Heydər Əliyevin siyasi irsi, həyat və fəaliyyəti ilə bağlı olan sualları cavablandırıblar.
İntellektual mübarizədə Lənkəran–Astara Regional Təhsil İdarəsinin "Bellator" komandası 1-ci, Lənkəran “ASAN Xidmət” mərkəzinin “Asan” komandası 2-ci, Sosial Xidmətlər Agentliyinin Lənkəran–Astara Regional Filialının komandası 3-cü yerə layiq görülüb.
Qalib komandalar kubok, diplom və medallarla mükafatlandırılıblar.
Yarışma Lənkəran–Astara Regional Gənclər və İdman İdarəsinin təşkilatçılığı ilə həyata keçirilib.
