Azərbaycanda yad ritmlərlə (hind, ərəb, yəhudi və s.) müşayiət olunan mahnıların siyahısı tərtib edilib. Bu haqda məlumatı Cenublu.az bu gün, 6 aprel tarixində verir.
Siyahı Dövlət Dil Komissiyası yanında Monitorinq Mərkəzinin hazırladığı "Mahnılarımız monitorinq aynasında" adlı kitabda öz əksini tapıb.
Belə ki, siyahıda əslən cənubdan olan müğənnilərin mahnıları da yer alıb.
Bunlar Nazəninin "Səni sevərəm", Rübail Əzimovun "Divanə", Niyam Salaminin “Şeytan qadın” və "Kefimiz düzələr" mahnılarıdır.
Qeyd edək ki, Nazənin Salayeva 1964-cü ildə Astarada axund Rəhim Əliyevin ailəsində anadan olub. Rübail Əzimov 1988-ci ildə Lənkəran rayonunun Vilvan kəndində ticarətçi Əzimov Rufulla Murad oğlunun evində dünyaya göz açıb. Niyam Salami (Niyaməddin Salam oğlu Səfərov) 1976-cı ildə Masallı rayonunun Ərkivan kəndində dəmir yollarında mexanik işləyən Səfərov Salam İsmayıl oğlunun ailəsində anadan olub. Anası Səfərova Hacıxanım Fərhad qızı Astara rayonunun Kakalos kəndindən idi.
