Tərlan Sadıqov Lənkəran şəhərində anadan olub. O, cənub bölgəsinin yeganə keramika ustası hesab edilir [1,2].
Sadıqov ilk təhsilini Lənkəran şəhərindəki 4 nömrəli məktəbdə alıb, sonra isə Lənkəran İncəsənət məktəbində oxuyub. Tərlan Sadıqov 1994-cü ildə Əzim Əzimzadə adına Dövlət Rəssamlıq Məktəbini bitirib. Daha sonra o, təhsilini Azərbaycan Dövlət Mədəniyyət və İncəsənət Universitetində davam etdirib. Sadıqov rəngkarlıq sənəti üzrə təhsil almağa üstünlük versə də, müəllimlərindən biri keramika fakültəsində oxumağı məsləhət görüb və onu bu sənətə yönəldib [1]. O, 1994-1995-ci illərdən bu sahədə fəaliyyət göstərir [1,3].
Tərlan Sadıqov bir əl işinin hazırlanmasına təxminən 15 gün sərf edir [1]. Hazırda ustanın emalatxanasında müxtəlif insan fiqurları, tarixi abidələr, gündəlik həyatdan götürülmüş təsvirləri görmək mümkündür. Yaratdığı əl işlərinin əksəriyyəti Lənkəranın tarixi məkanları və şəxsiyyətləri ilə bağlıdır [1,2].
Hazırda usta Lənkəran şəhər Uşaq Rəssamlıq Məktəbində müəllim işləyir [1,2].
Ədəbiyyat:
