Cənub bölgəsində aparılan arxeoloji qazıntılar zamanı burada qiymətli bəzək nümunələri zərgərliyin qədimdən bu yerdə yayıldığını və əhalinin məişətinə daxil olduğunu göstərir. Lənkəranda tarixən şəbəkə üsulu ilə sırğa, bilərzik, basma üsulu ilə kəmər, qolbaq və s. qiymətli zinət əşyaları hazırlanırdı [1].
Müxtəlif illər ərzində Lənkəranda çox sayda zərgərlik nümunələri tapılıb. Onların əksəriyyəti 2009-cu ildə aşkar edilib. Həmin tapıntılar sırasında “fransız hörgülü” zəncirlər vasitəsilə birləşdirilən alınlıq (qızıl baş bəzəyi), kürələrin bir tərəfi ilgəkli, digəri isə yaqut daşlı olan üç qızıl asma, üç ədəd qızıl üzük, üzərində iki ədəd firuzə və bir ədəd yaqut qaşı olan qızıl üzük, XII-XV əsrlərə aid firuzə və yaqut daşlı qızıl bəzək hissələri və s. zinət əşyaları aşkar edilib. Onların əksəriyyəti XII-XVIII əsrlərə aid edilir [2].
Lənkəranda aşkar edilən zərgərlik nümunələri dünyanın, o cümlədən Azərbaycanın, Fransanın, Rusiyanın və s. ölkələrin muzeylərində saxlanılır [1].
Ədəbiyyat:
