Bu gün Astara və Masallıda "Narkomaniyaya və erkən nikahlara yox deyək!" mövzusunda tədbirlər baş tutub. Bu haqda məlumatı Cenublu.az bu gün, 23 oktyabr tarixində verir.
Astara şəhər 1 nömrəli tam orta məktəbində təşkil olunan tədbirdə Astara RPŞ-nin rəisi, polis polkovniki Azər Cəfərov, RİH başçısının müavini Firəngiz Sadıxova və digər aidiyyəti qurumların nümayəndələri iştirak ediblər.
Növbəti tədbir şəhid Cavanşir Qasımov adına Masallı rayon Bambaşı kənd tam orta məktəbində keçirilib. Burada Rayon Polis Şöbəsinin İctimai təhlükəsizlik bölməsinin rəisi, rayon Polis şöbəsinin Azyaşlılar üzrə baş inspektoru, Lənkəran-Astara regional Təhsil İdarəsinin Masallı rayonu üzrə Təhsil sektorunun və Lənkəran-Astara Regional Gənclər və İdman İdarəsinin Masallı rayon sektorunun əməkdaşları, müəllimlər və yuxarı sinif şagirdləri iştirak ediblər.
Görüşlərdə narkomaniyanın fəsadları və erkən nikahlar kimi neqativ halların ağır nəticələri müzakirə olunub.
